පිපිරීම් තුලින් ආශිර්වාද
Blessings Out of Blastings – SIN
“මක්නිසාද ඔබ ධර්මිෂ්ඨයාට ආශීර්වාද කරනසේක
ස්වාමිනි, ඔබ පලිහකින් මෙන් කරුණාවෙන් ඔහු වටකරනසේක.“
(ගීතාවලිය 5:12)
දෙවියන් වහන්සේගේ සෙනඟ ගේ ජීවිතවල නිතර දකින්නට ලැබෙන්නේ චක්‍රයකි. කෙරිත් මිටියාවතේ ඔය සිඳී ගොස් එම නිසංසල කාලය අවසන් වුනා සේම, එලියා ශාරෙපත්හි ගතකල ප්‍රීතිමත් කාලය අවසන් කරමින්ද, දෙවියන්වහන්සේ සහ එලියා කෙරෙහි ඇති වැන්දඔුවගේ කෝපය අවුළමින්ද, ඛේදජනක ලෙස වැන්දඹුවගේ පුත්‍රයා මිය ගියේය (1 රාජාවලිය 17: 17-24 බලන්න).
ආශීර්වාද මාලාවක් පසුපස හඹා එන පිපිරීමක් දෙවියන්වහන්සේගේ සෙනඟට අසාමාන්‍ය දෙයක් නම් නොවේ. විශිෂ්ට ජයග්‍රහණ හඹා එන විශාල පරික්ෂාද විරල නැත. 1987 වර්ශයේ අප දේවස්ථානය පිහිටවන විට මා මෙය අත්දුටිමි. කළ හැකි සෑම ආකාරයෙන්ම උන්වහන්සේ අප සභාවට ආශිර්වාද කළසේක. හෝටල් කාමරයක 28 දෙනෙකුගේ සහාභාගීත්වයෙන් ආරම්භ වූ අප සභාව ඊට පසු සතිය වන විට සහභාගීත්වය 60 දෙනෙකු දක්වා වර්ධනය වී තිබුණි. කැපවීමෙන් සභාව වෙත ගලා ආ සෙනගගෙන් වර්ධනය වූ සභාවේ මිනිසුන් දිනපතා මුණගැසෙමින් මාද එහි වර්ධනය වෙනුවෙන් කැපවෙමින් සිටියෙමි.
නමුත් 1989 වර්ශයේ දී හදීසියේම මා ඩබල් නියුමෝනියා රෝගයට ගොදුරු විය. ඉහල බලමින් වැතිර සිටීම මිස වෙන මා හට කළ හැකි වෙන යමක් නොවීය. දෙවියන්වහන්සේ එලියා සමග කළාක් මෙන් මාද සඟවාගෙන නිශ්ශබ්දව සවන්දීමට අවස්ථාවක් පිළිගැන්වූ බව මට වැටහුණේය. උන්වහන්සේට මෙහෙකිරීම තුලින් පමණක් අන්‍යන්ට මෙහෙකිරීමේ හැකියාව මට ලැබෙන බව උන්වහන්සේ මට ඉගැන්වූ සේක. උන්වහන්සේගේ ශක්තියෙන් මිස මට කිසිත් නොකළ හැකි බව උන්වහන්සේ මට අවධාරණය කළසේක.
උන්වහන්සේගේ හඬට ඇහුම්කන් දෙනවානම් සෑම පිපිරීමක් තුළින්ම ආශිර්වාදයක් උන්වහන්සේ අප වෙත ගෙනෙනු ඇත.
යාච්ඤාව: යහපත් දෙවයන්වහන්ස, ජීවිතයේ දුෂ්කර කාලවලදී පවා ඔබගේ ආශීර්වාදය මා වෙත ඇති බව මතක් කළ නිසා ස්තූති කරමි. අද දිනට පිළිගන්වා ඇති ආශීර්වාද සොයාගැනීමට මට උපකාර කළ මැනව. යේසුස්වහන්සේගේ නාමයෙන් මා යාච්ඤා කරමි. ආමෙන්.